گؤزه‌ل رسمینگ تاراج اولدو،
اویان آغیر ائلیم، اویان!
شیر ایگیدلرینگ آج اولدو،
اویان سینماز بئلیم، اویان!
اویان خزان توفان ائدیر،
داغلار باشی دومان ائدیر،
شئیدا بولبول فغان ائدیر،
اویان قیزیل گولوم، اویان!
اویان، اویان، اویان، اویان!
اویان، دیزینگ اوسته دایان،
اویان گولگز قانا بویان،
اویان جوشغون سئلیم اویان!
اویان یاتما بئله خامیش،
اویان قلم ایلن دانیش،
اویان شؤعله چکیب آلیش،
اویان یانمیش کولوم اویان!
اویان آی اویخولو گؤزلر،
اویان آی روشن آی اوزلر،
قویما گؤینونگده‌کی سؤزلر
تورپاق اولا دیلیم اویان!
اویان ائللرینن چالیش،
اویان منیم ایلن دانیش،
اولما باشیما ناز بالیش،
اویان قولاج قوللوم اویان!
یولا دوش سن سئل گؤزونده‌ن،
دنیز دنیز گؤل گؤزونده‌ن،
یاغیش یاغیر ائل گؤزونده‌ن،
اویان ساری چؤلوم اویان!
اویان خزان دؤنه یازا،
سوموکلریم مینه سازا،
ارسلان گؤینو شئعیر یازا،
اویان یاتمیش ائلیم اویان! ”
شاعر: ارسلان میرزایی
|
امتیاز مطلب : 34
|
تعداد امتیازدهندگان : 7
|
مجموع امتیاز : 7
عضو شوید
عضویت سریع
آمار
وب سایت:
آمار مطالب
آمار بازدید